Младите во Македонија го кренаа гласот против генетски модифицираната храна. Невладината „Слоу фуд“ денеска во Старата скопска чаршија ги едуцираше граѓаните колку е штетна и опасна генетски модифицирана храна која е присутна во соседсвото, а според официјалните податоци, сѐ уште не и во Македонија. Младите велат дека ги поттикнал маршот против генетски модифицираната храна што денеска се одржа ширум светот.
Тие се пожалија дека не добиле поддршка од Факултетот за земјоделски науки и храна и од Агенцијата за храна и ветеринарство.
Во земјава од 2008 година има законска регулатива со која се забранува генетски модифицираната храна. Во регионов најчесто генетски модофицирана е пченката.
„Генетски модифицираните организми се организми кои во себе содржат ген кој природно го немаат во својата структура. Tоа човечкиот организам не може да го препознае и така се хранат канцерогените клетки, настануваат авто-имуни заболувања, кои во денешно време се сѐ повеќе развиени. Ние како организација сакаме да го едуцираме народот зошто оваа храна е штетна и зошто влијае негативно, последиците од оваа храна се долготрајни и можат да влијаат генерации понатаму, настанува стерилитет и многу заболувања“, објасни Шенај Скендеровска-инжинер по прехранбена технологија.
Бојана Симоновиќ
http://alsat.mk/