ТВ Орбис: Како да препознаете вистински мед?

Како да препознаете вистински мед ? На ова прашање денеска одговараа стручни лица на работилницата што невладината организација Слоу фуд од Битола ја организираше во средното општинско училиште Крсте Петков Мисирков во Демир Хисар.

Специфична арома на мед , не се двои на слоеви, има природна нечистотија од полен , восок и прополис, фина текстура ( тече во вид на конец, густата смеса се слева во тенок млаз и кристализира со тек на времето, ова се карактеристиките на природниот мед наспроти оние на фалсификуван мед како кисле мирис или воопшто нема мирис, се дели на слоеви, има нерамна текстура, течна конзистенција и не кристализира. Токму ова беше целта на предавањето што невладината организација Слоу Фуд од Битола го организираше во средното општинско училиште Крсте Петков Мисирков во Демир Хисар. Често на пазарите може да се најде покрај природниот и фалсификуван мед. Денеска присутните на предавањто имаа можност не само да видат туку и да пробаат и да ги воочат кои се разликите меѓу природниот и фалсификуваниот мед. Денешното предавање е во рамките на проектот каде вниманието е ставено на истражувањето на малите земјоделски прозиводители од руралните средини и промоција на автохтони производи што можат да бидат моќна алатка за одржлив развој на руралните средини. Проектот е финасиран од ЕУ.

Павлина Јовановска
http://tvorbis.com.mk/