По повод 10. декември, денот посветен на локалната храна, односно денот на мајката земја „Тера Мадре Ден“, ќе се случи манифестацијата „Биодиверзитет на млеко“, нејзиното трето издание. Со тоа, ќе се прослават локалните адути- автохтони раси животни, нивните млека и сирења.
„Биодиверзитет на млеко“ е манифестацијата посветена исклучиво на млекото и претставува можност за презентација на автохтоните раси и автентичните сирења, кои постојат во нашата земја. Годинава, настанот ќе се оддржи во понеделник, во хотелот „Порта“ во Скопје, од 10.30 ч.
Класичната форма на конференцијата ќе биде преточена во панел – дискусии, проширена со изложби и дегустации, а целта е да се фокусира значењето на автохтоните раси во целокупниот земјоделски систем, потоа, ќе се потенцираат традиционалните методи на производство на сирења, вистински обележје за одредени региони во земјата, но и за малите сирењари и сточари. И сето тоа, низ обликот на делумно заборавен елемент во нашето сточарство – козарството.
Настанот е од отворен карактер.
Објавено на: 08/12/2018
Медиум: https://7dena.mk/