Македонската делегација која учествува на годинашниот Меѓународен саем за традиционална храна Тера Мадре Салоне дел Густо 2016 во Торино, денеска е во посета на регионот Пиемонт, јавува Миа.
Предвидена е винкса тура низ Полензо , седиштето на универзитетот на гастрономски науки, гратчето Бра од каде произлезе иницијативата за Слоу Фуд и регионот Ла Мора.Попладне, турата завршува со посета на замокот во кој што се наоѓа Регионалната винотека на Пиемонт.
Тера Мадре што официјално завршува вечерва, привлече над еден милион посетители.
Голема беше заинтересираноста за производите на македонскиот штанд, односно за президиумите буковска пипер, слатко од диви смокви, грозје станушина и македонска медоносна пчела.
Тера Мадре годинава првпат се одржување на отворено низ сите историски места на градот Торино, почнувајќи од паркот Валентино, покрај реката По и на кралскиот плоштад. Уште еднаш беше испратена пораката дека малите локални производители на традиционална храна се најголемите чувари на биодиверзитетот и културното наследство.
Објавено на: 26/09/2016
Медиум: https://biznisinfo.mk/