Shqipëria do të jetë vendi pritës për fermerë dhe prodhues të vegjël nga 13 vende të rajonit dhe me gjerë, të cilët do të prezantojnë produktet e tyre, si dhe do të shkëmbejnë eksperienca.
“Terra Madre Balkans” është eventi që ndërthur ekonominë, bujqësinë, turizmin, gastronominë, stilin e te ushqyerit dhe që në fillim të muajit qershor (2-5 qershor) do të zbarkojë në Tiranë, duke e kthyer atëpër tre ditë me radhë në qendrën rajonale të politikave dhe programit mbi prodhuesit e vegjël, fermerët, shijet dhe produktet e rrezikuara.
Përmes në konference për shtyp mbajtur të hënën në hotel Tirana, organizatorët shpjeguan se pritet të marrin pjesë 350 delegatë nga 13 vende, si Bosnja dhe Hercegovina, Bullgaria, Kroacia, Qipro, Greqia, Kosova, Mali i Zi, Maqedonia, Rumania, Serbia, Turqia, Italia dhe Shqipëria.
Ky projekt, sipas kreut të Agjencisë Kombëtare të Turizmit, Ardit Çollaku, ka si qëllim ti sjellë dinjitetin fermerit dhe të promovojë produktet e tyre. Ky është edicioni i katërt i “Terra Madre Ballkans” që këtë herë do të mbahet në Tiranë. “Fermerët vijnë të parët” është tema kryesore e këtij eventi.
Објавено на: 19/04/2016
Медиум: https://www.botasot.info/shqiperia/