Ве покануваме да земете учество на манифестацијата “Фестивал на Биодиверзитет”, кој го организира конвивиумот „Слоу Фуд Водно“, оваа сабота 02.07 2022 од 10-18 часот во Парк на франкофонијата, Скопје.
Да ги откриеме вкусовите на локалниот зеленчук и овошје, традиционалните сирења и месни производи, да ги дегустираме и потоа препорачаме на нашите пријатели. Заедно да ја подигнеме јавната свест за значењето на локалниот биодиверзитет на храна. Да им помогнеме на малите производители во заштитата, промоцијата и валоризација на локалната и автентична храна, што ќе придонесе за економски развој на руралните средини и транзиција кон еколошки одржливо опшество.
Слоу Фуд верува дека е можно да се нахрани планетата, а ние дека можеме да обезбедиме и да се гарантираме добра, чиста и правична храна за сите во Македонија.
Повеќе информации за настанот:
Ова издание на “Фестивал на Биодиверзитет” се реализира со поддршка на Министерство за земјоделство, шумарство и водостопанство, Општина Центар, Горска вода, Пакомак и Сакам пиво.
Програма на настанот:
8-10 ч – Подготовка на изложувачите
10- 18 ч- Изложбен и продажен настан на триесет локални производители на храна, вино и пиво
12 ч – Официјални обраќања на настанот
- Љупчо Николовски, министер, Министерство за земјоделство, шумарство и водостопанство
- Горан Герасимовски, градоначалник на Општина Центар
- Василка Стефановска – претседател на Слоу Фуд Водно
13ч – Презентација на програмата Слоу Фуд Училишни градини
14 ч – Промоција на Водичите и Слоу Фуд, промотори:
- Валентина Вања Тодоровска, автор на Слоу Фуд Гостилници
- Ивана Симјановска, автор на Slow Wine
- Дегустација на вина од малите семејни винарии
14- 18 ч Шеф Зоран Мајновски член на Алијансата на готвачи на Слоу Фуд Македонија ќе подготвува гастрономски специјалитети со намирници од локалните производители