МКД.МК: Силвија Митевска доби специјална награда за расказ во Италија

Издавачката куќа „Или-или“ извести дека македонската писателка Силвија Митевска со расказот „Сонот на Лучија“ ја освои специјалната награда „Slow food Tera Madre“ на дванаесетото издание на националниот конкурс „Мајчин јазик“ во Италија. Наградите ќе бидат доделни на свечениот настан на 22 мај во Торино.

Расказот „Сонот на Лучија“ на Силвија Митевска, заедно со другите избрани, ќе се најде во изданието насловено „Приказни за жени од странство во Италија“, кој ќе биде претставен на Меѓународниот Саем на книгата 2017-та година во Италија, и ќе биде објавен во текот на годината. Овој конкурс е во организација на регионот Пиемонте и меѓународниот Саем на книгата во Торино.

Силвија Митевска ја издаде збирката „Додека Данте спие“ во 2015 година, а наскоро „Или-или“ ќе ја објави и нејзината втора збирка со раскази.