Минатата недела, германскиот канал на телевизијата ARTE, премиерно го прикажа документарниот филм за Буковската пиперка, Президиум на Слоу Фуд. Во филмот покрај производството, рецептите на баба Илинка од битолското село Буково, презентиран е дел од животот на локалните жители и работата на Слоу Фуд во Буково.
Македонската премиера од Слоу Фуд ја планираaт на Трпеза Филм Фестивал ова лето во Битола.
Филмот е снимен во битолското село Буково, во септември 2016 година како дел од серијалот „На трпеза кај…“, чиј продуцент и режисер е Мирјана Момировиќ. Трае 26 минути, живописно го презентира животот на селаните во Буково, а во фокусот е семејството на Илинка Главевска преку кое е раскажана приказната за буковската пипер, нејзиното производство и преработка. Но, семејството Главевски со Момировиќ ги споделува и најавтетичните рецепти во кои се користи зачинот: тавче-гравче, солило, сарма со лозов лист, питулици…
Според Слоу фуд Македонија која преку президиумот Буковска пипер работи на зачувување и промоција на автохтоното семе на овој вид зачин, филмот „На трпеза кај… – Македонија“ веднаш побудил интерес и за два дена пристигнале неколку барања за зачинот и семето.
Објавено на: 04/04/2017
Медиум: https://setaliste.com.mk/