Slow Food и Slow Wine: љубовна приказна долга 40 години

Од 1982 до 2022 година: од водич, настани, дегустации, манифести и блиска соработка со производителите, до консолидација на жива и прокативна мрежа. Ви презентираме краток преглед на историјата на Slow Wine.
 

Историјата на Slow Wine: 80-тите и 90-тите

1982: Карло Петрини и група пријатели го основаа здружението „Пријатели на Бароло“. Пред „Арчигола“ и многу пред „Слоу Фуд“, нашите корени беа засадени меѓу лозите. Здружението издава каталог на вина, комбинирајќи страници со информации со приказна на секоја етикета, мал преглед на она што подоцна ќе стане водич за „Вина од Италија“ (Vini d’Italia).
 
17 март 1986 година: откривање на скандалот со метанол, кога винската индустрија во Италија го допира дното. Дваесет и три лица починаа во ударот на кредибилитетот на италијанското вино. Во исто време, овој момент претставува почеток на повторното будење во целиот сектор. Да се ​​зборува за тоа позитивно е невозможно, со оглед на почитта што им ја должиме на жртвите од оваа страшна трагедија, но нема сомнеж дека тоа беше шок за сите.
 
1988: Арчигола Слоу Фуд (Arcigola Slow Food) и Гамберо Росо (Gambero Rosso) го објавуваат првото издание на водичот Vini d’Italia.
 
1992: објавено е првото издание на „Водич за секојдневни вина“ (Guida al vino quotidiano) , кое ги разгледува најдобрите италијански вина во однос на нивната вредност за парите, водејќи ги читателите во изборот на вина од ден на ден.
 
 

Почеток на новиот милениум

2004: Основана е Банката за вино, како дел од комплексот Поленцо во кој е сместен и  Универзитетот за гастрономски науки. Банката е субјект кој има за цел да го промовира италијанското наследство во винарството преку курсеви за обука и заштита на вината наменети за одлежување. Во текот на 18 години, Банката за вино организираше стотици дегустации и во својата база и низ целата земја.
 
2007: прв собир на „Vignerons d’Europe“ во Монпелје, Франција. Во Salon du Goût et des Saveurs d’Origine, на прославата на сто години од бунтот на лозарите од Лангедок, првото издание на „Vignerons d’Europe“ обединува стотици европски винари во дебата за предизвиците создадени од сè поглобализираниот свет. Соочувајќи се со винарската криза не само од аспект на нејзиното економско влијание, туку и нејзиното влијание врз идентитетот на погодените.
 
2009: второ издание на „Vignerons d’Europe“, одржано во Монтекатини и Фиренца. На овој собир се објавува Манифестот на „Vignerons d’Europe“, кој ја опишува улогата на винарите како заштитници на животната средина, здравјето на потрошувачите, судбините на нивните заедници, нивните земји, а виното како автентичен израз на културата.
 


Од 2011 до денес: Се роди водич

2011: објавен е водичот Slow Wine, со цел да се префрли фокусот од вината на поширока панорама која ги опфаќа винариите, производителите и областите на производство, со мноштво детали. Револуционерна идеја, бидејќи Slow Wine не е само список на имиња, туку водич што го оддалечува вниманието на читателот од бодовите – кои не се користат – на описот на стилот на производство на вино и употребените агрономски техники. Slow Wine 2011 е водич роден во лозјата за да ги информира читателите за самите винарии, за лозјата, тероарот и пејсажот. Целта е да се опишат стоте ароми потенцијално изразени во виното и да се обезбеди јасна и прецизна интерпретација на истите, истакнувајќи ги оние етикети кои целосно го изразуваат нивниот тероар ​​и одгледуваните сорти грозје.
 
2012: Прва турнеја на Slow Wine. Со објавувањето на првото англиско издание на водичот Slow Wine, турнејата на водичот од

2012 година ги посетува Њујорк, Чикаго и Сан Франциско. Во следните изданија на турнејата се додадени повеќе датуми во Германија, Данска, Јапонија и Канада…
 
2017: Излегува Slow Wine во Словенија. Водичот за прв пат се проширува во друга земја, североисточниот сосед на Италија, Словенија, почнувајќи со преглед на 30 винари во регионите Брда и Крас, виногорја кои се граничат со виногорјата Колио и Карсо во Италија. Иако тие се поделени со политичка граница, сортите на грозје, стиловите на вино и карактеристиките на земјата што ги наоѓаме во овие две области се многу слични на нивните соседи на италијанската страна.
 
2018: Slow Wine САД. По искуството во Словенија, тимот на Slow Wine одлучува да започне со работа во Калифорнија, прегледувајќи 50 винарии низ државата. Во следните години водичот се проширува, вклучувајќи го Орегон во 2019 година, потоа и државата Вашингтон и Њујорк во 2020 година, достигнувајќи вкупно 300 винарии.
 
2020: Презентација на Слоу Фуд Манифестот за добро, чисто и правично вино, документ кој во извесна смисла е чедо на размислувањата содржани во Манифестот на Vignerons d’Europe од 2009 година, повторно разгледан преку внатрешна дискусија и дијалог со производителите и енолозите. Тоа е позицијата на Слоу Фуд за виното: десет точки за дискусија и развивање преку понатамошна дебата.
 
2021 Koнцепот на Slow Wine во време на пандемија, започнува да се шири во други земји како Чиле, Австрија, Швајцарија и Македонија, каде се издава првото издание на водичот Slow Wine 2021 и во Битола се организира вински салон на кој се презентираат винариите и вината застапени во истиот.
 
27-29 март 2022: прво издание на саемот Slow Wine Fair во Болоња. Приказна која треба да се испише!