Во гостилницата „Лејк Вју“, популарниот пансион „Преспав“, најбараното и најпопуларното јадење е чомлек. Овој македонски традиционален специјалитет, карактеристичен за Преспанско Охридскиот регион, во Лејк Вју го нарекоа чомлек „Преспав“ а таму го подготвуваат на следниот начин:
Потребни состојки:
- 1 кг. телешко месо,
- 1,5 кг. поситни главици кромид,
- 5 чешниња лук,
- неколку суви црвени пиперки,
- 2 дл црвено вино,
- доматно пире (100 грама),
- еден морков,
- помас (маслиново масло за готвење) или свинска маст
- сол, црн пипер.
Начин на подготовка:
- Месото кратко се пропржува на малку маснотија, се додава вода и на тивок оган се динста околу 2 часа.
- Главиците кромид се чистат и се додаваат во тенџерето со месо.
- Потоа се ставаат сите останати состојки, сувите црвени пиперки, зачините и виното, се динста уште околу еден час и откако вкусовите ќе се спојат, чомлек е подготвен за гостите.
Добар апетит!